LEGAZPI CITY—Nagpirma nin sarong Memorandum of Agreement (MOA) an Sorsogon PNP asin nagkapirang transport groups mapadapit sa programang “I-TXT Mo si PD” sa Barangay Balogo, Sorsogon City, Sorsogon.
Segun ki Sorsogon PPO PIO PMAJ Arwin Destacamento, sa intrevista kan Bombo Raduyo Legazpi, may obheto ining pahigoton asin pagtibayon an relasyon kan Sorsogon PNP asin kan sektor kan transportasyon laban sa ano man na kriminalidad.
Sinabi kaini na an nasabing lakdang an sarong aksyon para sa matoninong na Sorsogon.
Dugang kan opisyal na an aktibidad nagtapos sa sarong seremonyal na pagdukot nin mga sticker na may nakabugtak na “I-TXT Mo si PD” sa mga pampublikong transportasyon ngani na tulos nindang marespondehan kun may mai-report na mga impormasyon o ano man na pagresponde na kinakaipuhan nin kapulisan.
Segun ki Destacamento na bukas 24 oras an numero kan saindang kapulisan ngani na maparikas an saindang pagtabang.
Mientrastanto, nagpagiromdom man ini sa mga biyahero urog na ngonian na papaabuton na Semana Santa asin bakasyon na pwedesir nindang makua an hotline numbers kan opisina kan kapulisan sa dudumanan nindang munisipalidad na pwedesir apudan en kaso kaipuhan nin responde kan mga otoridad.
 regarding the "I-TXT Mo si PD" program in Barangay Balogo, Sorsogon City, Sorsogon.){kind=link}