LEGAZPI CITY—Padagos na nangangapudan an Public Safety Office Legazpi sa mga tricycle driver na dae pagsamantalahon an pagsingil nin halangkaw na pamasahe sa mga pasahero orog na ngonian na nagdadangadang na Palarong Bicol 2025 na gigibuhon sa ciudad.
Segun ki PSO Legazpi Head Octavio Rivero, sa intrevista kan Bombo Radyo Legazpi, na dae sinda matugot na dae matawan nin mga penalidad an mga drayber na nagbabalgar sa saindang mga ordinansa.
Dugang kaini na afuera sa mai-impound an saindang tricycle asin magkakaigwa pa nin mga penalidad na may kantidad na P3,000 sagkod P4,000.
Nangapudan man ini sa mga pasahero na en kaso mabiktima sinda kan halangkaw na singil sa pamasahe tulos dapat ining i-report sa saindang mga personahes.
