Inapod na fake news kan duwang lider kan Kamara de Representantes an pahayag ni Davao City Mayor Sebastian “Baste” Duterte na nagdakol an numero kan krimen ngonian kompara kan panahon kan saiyang ama na si dating Presidente Rodrigo Roa Duterte.
Segun kay House Assistant Majority Leader Jay Jhonghun sa nagin banat ni Mayor Baste na mahihiling na talagang may disinformation huli sa mas halangkaw an crime rate kan panahon ni dating Presidente Duterte kaysa sa ngonian sa panahon ni Presidente Marcos.
Sinabi ni Khonghun na dae nag-uutik an data kan Department of Interior and Local Government (DILG), kun saen kan July 1, 2016 hasta Abril 2018, uminabot sa 196,000 plus an nairehistrong crime index kan mga naunambitang peryodo asin sa irarom suboot ni Presidente Bongbong Marcos an buminaba ini sa 71,500 plus.
Dugang pa ni House Deputy Majority Leader Paolo Ortega kan La Union na dae nag-uutik an mga numero, na pigpapahiling kan mga survey, na patunay suboot na an kampanya kontra kriminalidad an dae kaipuhan magin madugo.
Basado suboot sa record kan PNP, nakapagrehistro nin 3,528 na kaso kan focus crimes poon Enero 1 hasta Pebrero 14, 2025 o katampad nin 26.76 percent na pagbaba hale sa 4,817 na kaso sa kaparehong peryodo kan nakaaging taon.
Kabale sa mga krimen na ini an panghahabon, pandurukot, panggagahasa, murder, homicide, physical injury, asin ‘car-napping’ kan mga motorisklo asin iba pang motor vehicles.
Segun sa PNP nagkaigwa na nin signipikanteng pagbaba ngonian na taon an insidente nin rape sa 623 na kaso hale sa 1,261 o haros kabanga.
Basado man sa year-on-year data nagkaigwa nin 7.31% na pagbaba sa focus crimes sa 41,717 na insidente kan 2023 asin 38,667 na sana kan 2024.
