Pinakusog pa kan administrasyong Marcos an paglamag sa illegal trade activities sa agrikultura.
Ini an kasabay kan paglaban sa agricultural sabotage.
Segun sa Department of Agriculture na nag-convene an Anti-Agricultural Economic Sabotage Council sa enot na bes sa Malacañang ngunyan na Marso.
An Anti-Agricultural Economic Sabotage Council an binilog sa irarom kan Republic Act 12022 o Anti-Agricultural Economic Sabotage Act na pinirmahan bilang ley kan Oktubre kan nakalihis na taon.
Obheto kan ley na mag-imponir nin mas istriktong penalidad asin mas halawig na sintensya sa siisay man na persona na imbwelto sa smuggling, hoarding, profiteering, asin cartel activities.
Kumpwesto an konseho kan mga opisyal hali sa manlain lain na ahensya siring kan Department of Agriculture, Department of Finance, Department of Justice, asin Philippine National Police.
