LEGAZPI CITY- Kumpiyansa an grupo nin mga paratukdo na isolated case sana an insidente kan sarong 22-anyos na beauty contestant na bako pamilyar sa mandato kan Commission on Elections.
Segun ki Teachers Dignity Coalition Chairman Benjo Basas sa intrevista kan Bombo Radyo Legazpi na saro ining ‘individual fault’ asin dae na dapat pang ibasol sa sektor kan edukasyon.
Paliwanag kan opisyal na pwedesir man ining ikonektar sa problema sa systemic education system kun sain hinali an citizenship education, social science courses asin pag-aaral sa historya.
Nangangahulugan sana suboot ini na sadit an pagtataong importansya sa pag-aadal sa kultura, heritage asin historya.
Kinuwestyon pa ni Basas kun nata na an sarong joven na mahiling sa beauty contest an warang pakiaram sa sadiri kaining nacion urog na ngunyan na maabot an pirilian.
Tinawan duon pa kan opisyal na ipigtutukdo sa mga kaakian sa laog nin eskwelahan an dapit sa diretsos sa pirilian asin functions kan mga government agencies kaya warang rason ngani na dae makiaram an sarong joven sa mga nangyayari sa nacion.
