Pinangenotan ni Malik Beasley an Detroit Pistons sa saindang ikawalong sunod na pagkagana kun sain dinaog ninda an Boston Celtics sa score na 117-97.
Nag-ambag si Beasley nin 26 points sa laog kan 22 minuto hale sa bench. Nagpakitang-gilas man si Cade Cunningham na may 21 points asin 11 assists, mantang si Tobias Harris an nagdugang nin 16 points asin siyam na rebounds.
Sa ibong kan 27 puntos ni Jayson Tatum, naputol an 6 game winning streak kan Celtics.
Nagin kapansin-pansin man an pagkawara ni Jaylen Brown nin huli sa left thigh contusion.
Sa ultimong quarter, dagos naglawig an kalamangan kan Pistons makalihis an sunod-sunod na turnovers kan Celtics, rason nganing ilaog ni coach Joe Mazzulla an saiyang bench players.
Sa ibong kan pagkadaog, naganahan pa man giraray kan Celtics an season series laban sa Pistons sa standing 3-1.
