LEGAZPI CITY- Ipigdepensar kan police official kan Lanao del Sur an nagin desisyon ni PNP Chief Dir. Gen. Ronald dela Rosa sa pagdeploy sa Marawi City kan duwang pulis na enot nang nag-viral makalihis na makuhaan nin video na pigbabanog nin yantok an dinakop na motorista.
Sa ekslusibong intrevista kan Bombo Radyo Legazpi ki Provincial Director PS/Supt. John Guyguyon, wara suboot na katotoohan na tapukan an Mindanao kan mga pasaway na pulis asin dae dapat itao an basol sa bilog na organisasyon kan PNP.
Nasaktuhan sana kaya suboot na kaipuhanon kan Marawi City an dugang na pwersa kaya ipinadara an mga ini asin nakapalaman man sa sinumpaang responsibilidad kan pulis na itao an servicio en kaso ma-assign sa maski saen man na parte kan Pilipinas.
Enot nang nagkomento si Crisis Management Committee spokesperson Zia Alonto Adiong asin Defense Sec. Delfin Lorenzana sa nagin lakdang ni Dela Rosa na i-assign sinda PO1 Jose Tandog at PO1 Chito Enriquez sa Marawi City, kun saen bako suboot tama na gibuhong tapukan nin mga abusadong pulis an ciudad na nasa hampang ngonian nin kariribukan.
