LEGAZPI CITY — Pigsosolusyunan na kan gobyerno provincial kan Sorsogon an mga ipig-aagrangay kan mga residentes na problema sa supply nin tubig.
Sa intrevista kan Bombo Radyo Legazpi ki Governor Robert ‘Bobet’ Lee Rodrigueza, nagsurat na suboot ini sa general manager kan Prime Water asin Sorsogon City Water District ngane na parekason an ipigsasagibong pagpapakaray kan saindang water system.
Enot kaini, nagsagibo naman nin lakdang an alkalde kan ciudad na si Mayor Sally Lee ngane na maresolberan an problema na kawaran nin tubig, kulang na supply asin maating tubig.
Ipinagpasalamat man kan gobernador an pigigibong pag-upgrade kan water disctricts alagad kaipuhan suboot na nagkrear muna nin alternatibong serbisyo siring kan pagrasyon nin tubig, pagdugang nin tawo asin an working hours ngane na mapadali an repair sa water system.