LEGAZPI CITY – Tinawan duon ni Nicasio Barrios Jr., barangay kapitan kan Puro, syudad kan Legazpi na mas makakarahay man giraray an pag-elihir nin mga opisyales kan barangay kumpara sa planong pag-appoint sa mga ini.
Ini huli ta kun mag-agi suboot sa eleksyon, siertong obligado an nailehir na opisyal na magtao kan saiyang serbisyo sa mga constituentes asin magpursige na magtrabaho.
Nagpahayag man ini nin pagkahandal na kun malalawos an nasambitan na appointment, dakula an posibilidad na an mga appointing officers na sana an pagserbihan asin bako an mga tawo.
Katakod kaini, kinakaipuhan suboot na magkaigwa nin pag-evaluate sa mga matukaw na opisyales kan barangay.
Nangapudan man si Barrios sa saiyang constituentes na makipagtabangan sa mga opisyal ngani na tulos na maresolbaran an mga isyu na pigkakahampang kan barangay.
