LEGAZPI CITY — Sarong pawikan an nakua sa Barangay Banquerohan, syudad kan Legazpi.
Ipinaabot sa Bombo Radyo Legazpi an impormasyon na ini ni Eduardo del Ayre, chief tanod kan nasambitan na barangay.
Sigon ki Del Ayre, nadiskubre ninda an nasambitan na hayop sa baybayon kan Sitio Danlagan, 30 metros an rayo sa nadukayang bangkay nin sarong babayi sa bakawan.
Sinabi kaini na nangluluya an pawikan kun sain binalo suboot ninda ining ibalik sa tubig alagad dae na naghihiro.
Sa pagkarkulo ni Del Ayre, may laba ining 18 pulgada asin 12 pulgadang lakbang na saiyang ikinumpara sa planggana.
Tulos man suboot sindang nakipagkoordinar sa Bureau of Fisheries and Aquatic Resources (BFAR) ngani na ini na an magsagibo kan magkakanigong lakdang na gigibuhon sa pawikan.
