LEGAZPI CITY — Saro an Culinaria Albay sa magiging partisipantes para sa Madrid Fusion Manila 2017 bilang pag-utob naman sa misyon na ibusol an industriya nin turismo sa rehiyong Bicol.
Segun ki Renato “Bicolano Man” Jao, ini na an pantulong bes na mapartisipar an Culinaria Albay sa gastronomic gathering ngane na ipadagos an visibility kan rehiyon sa international expositions ngane na makatabang sa pagbusol kan lokal asin panrehiyong turismo kan Bicol.
Nagkapira sa pig-oorgulyong pagkaong Bicolnon an Bicol express, pinangat asin laing kan Albay; kinagang asin baluko kan Sorsogon; sa Catanduanes an saindang suman latik asin carmelado; an home made corned beed asin tapa kan Masbate; kinalas kan syudad kan Naga asin an pamosong pili rolls kan Camarines Norte.
An Culinaria Albay Pavilion an kumpwesto nin 7 local-based business establishments kan probinsya.
Parte an Culinaria Albay pavilion kan suporta para sa lokal na turismo hale sa opisina ni Albay 2nd district Representative Joey Sarte Salceda katabang si Director Maria Ong – Ravanilla asin an Department of Tourism – Bicol.
An nasabing aktibidad an saro sa pinakadakulang food events sa kinaban puon kan itugdok ini kan 2003 asin ini man an pinakadakulang culinary event na pigkondusir sa Pilipinas.
