Maduong pinahimutikan ni Vice President Sara Duterte an mga pahayag ni Rodulfo Gracioso Jr. na nagkokonektar saiya sa mga insidenteng sinabi niya na dae niya ginibo, dae niya nuarin man naraaman, o naeksperyensyahan nin personal.
Sa ginibong press conference sa Davao City, binasa kan bise presidente an saiyang affidavit bilang kasimbagan sa mga akusasyon ni Gracioso.
Sinabi man kaini na opisyal na isusunad kan saiyang kampo an nasabing affidavit sa Oktubre 8.
Afuera digdi, nilinaw kan bise presidente na dae siya magpaliwanag sa mga isyu na may koneksyon sa impeachment trial asin sa mga akusasyon na ipigbabato kan dating senador na si Antonio Trillanes IV.
Ipigduon ni Vice President Sara na warang itinao saiya an mag-agom na sinda former House Speaker Lord Allan Velasco asin Wen Velasco na duwang super grandia na van, na parte kan akusasyon ni Gracioso.
