LEGAZPI CITY- Dae na uminabot nin buhay sa ospital an duwang persona makalihis na nangyaring aksidente sa kalabaan kan Brgy. Malobago, sa banwaan kan Guinobatan sa Albay.
Binisto an mga ini na sinda Richard Ostria, 20 anyos na residente kan Brgy. Lomacao asin an backrider kaini na si Riyalyn Nepison, 18 anyos na resindente kan Brgy. Malabnig sa parehong banwaan.
Sa inisyal na imbestigasyon kan mga personahes kan Guinobatan Municipal Police Station, nagluluwas na hali an motorsiklong pigmamahenar ni Ostria sa Brgy, Balite asin pasiring sa Brgy. Poblacion mantang pigbabaybay an tinampo sa Brgy. Malobago kan mawaran ini nin kontrol sa manibela na ikinatumba kan mga ini.
Nagibo pang maidalagan an mga biktima sa ospital alagad tulos ining binawian nin buhay huli sa kritikal na tama kan mga ini.
Mientrastanto, nagpapadagos pa an ipigkokundusir na imbestigasyon kan mga otoridad dapit sa nasambitan na insidente.
