LEGAZPI CITY — Nakatalaan na irepresentar kan sarong Legazpeña an Pilipinas sa papaabot na International Sikaran Championships sa Vancouver, Canada sa maabot na 2018.
Ini makalihis na manggana si Angelica Senining sa katatapos pa sanang World Sikaran sa Baraz, Rizal.
Pigbuyagyag ni Sinining na dae niya pinaglaoman an saiyang pagkagana huli na aminado ini na kulang an saiyang naging preparasyon antes pa man an kompetisyon.
Pigheras kaini an saiyang sikreto na iyo an pagtubod sa saiyang sadiri asin kakayanan na maigana an kompetisyon.
Pagbubuyagyag pa kaini na nagin mahigot an saindang labanan.
Dakula man suboot an naitabang kan pag-atras kan saiyang enot kutang makakalaban na hali Canada huli ta tulos siyang naka abante sa cahampionship.
Dugang pa kaini na dae nagin madali an pagsungkit kan kampyeonato huli ta matibay man an saiyang nakalaban na taga-Baguio urog na kan saiyang mahiling na haros pareho an saindang mga moves.
Mientrastanto, nangapudan ini nin suporta sa mga kahimanwa ngani na makapag preparar sa papaabot na kopetisyon asin makapag-uli nin honra sa nasyon.
