LEGAZPI CITY – Pigklaro kan sarong abogado na an konsepto kan hustisya an bako ngane makabalos sa sisay man.
Segun ki Atty. Yami Balayo, kun maimposar man an death penalty, bako ini ngane makabalos kundi ngane ma-redeem an offender, maprotehiran an sociodad asin matawan nin hustisya an biktima sa paagi kan pagtatao nin penalidad sa sarong offender.
Makusog man na buot na sinabi kan abogado na 100% na may tigkikilingan an justice system sa Pilipinas kun kaya dae siertong nagpa-function asin epektibo ini.
Bilang parte kaya suboot kan justice system, nahihiling niya na depektibo na masyadong pigpapaboran an mga mayayaman asin mas tiggigipit an mga pobre.
Wara kaya suboot nin kakayanan an mga pobre na makakua nin abogado, makapagbayad sa mga ebidensya kun kaya mas naiipit sinda.
Ibang hururon man suboot kun bako tawo an paghiling kan administrasyon sa mga pobreng namamanwa.
Garo kaya suboot mawot kan administrasyon na ngane maubos an mga adik, ubuson man an mga pobre.
Maski suboot aram kan gobyerno na depektibo an sistema, maski aram na may mga police scalawags, pig-authorize man liwat ninda an mga panggagadan.
Kun sa simpleng konklusion, sinabi ni Balayo na dagit an presenteng administrasyon sa mga pobreng namamanwa.
