LEGAZPI CITY – Uminabot na sa labi 170 na mga preso an nakapagsairarom na sa ipigtataong training program kan Technical Education and Skills Development Authority (TESDA) Bicol.
Segun ki Rose Perida, tagapagtaram kan TESDA Bicol, nakasurat man sa pinirmahang memorandum of agreement kan saindang ahensya asin Bureau of Jail Management and Penology (BJMP) na pwedesir sa laog mismo kan presuhan ikondusir an programa.
Kan nakalihis na taon, nasa 26 na preso hale sa Libmanan Municipal Jail sa Camarines Sur an nag-gradwar nin perform hair cutting and hair coloring; 25 hale sa Legazpi BJMP an nakapagtapos nin engine and mechanical troubleshooting; asin bread and pastry production NCII man an tinapos kan 56 na preso hale sa San Andres asin 63 hale sa Virac, Catanduanes.
Nagkaigwa man suboot nin partnership kaiba an probinsya kan Masbate.
Apwera sa mga preso, libre mang makakapag-training an mga BJMP personnel ngane na pwedesir naman na sinda na mismo an magkondusir kan training sa mga preso.
Dugang pa ni Perida, an mga mawot na opisina kan BJMP na mawot magkaigwa nin libreng training, kaipuhan sanang makipag-koordinar sa provincial offices kan TESDA ngane na mai-facilitate an implementasyon kan training program.
