LEGAZPI CITY- Pignombrahan kan LGU Legazpi an tricycle driver na nag-uli kan wallet na pagsadiri kan sarong delegado kan Palarong Bicol 2017.
Enot kaini, sinabi kan nasambitan na drayber na si Raphael Ladimo na nahiling nya an pitaka sa may tinampo kan pasiring sya sa sarong mall.
Pinurot nya suboot ini asin hiniling an ID kan tagsadiri.
Dugang pa ni Ladimo, nagduda sya na delegado kan Palaro an tagsadiri kan wallet huli ta taga-Camarines Sur ini.
Ipina-anunsyar nya suboot an lost and found na gamit asin makalihis sana an pirang aldaw, igwa na nin nag-text saiya na nagpapasalamat huli ta naibalik an pitaka.
Huli digdi, ipignombra ki Ladimo an sarong certificate, plaque asin cash na gikan sa lokal na gobyerno kan syudad.
Pangapodan man kaini sa mga parehong tricycle driver na magin honesto sa paagi kan pagbalik kan mga nawawalat na gamit sa saindang pigmamanehar na behikulo.
Enot nang ipigbareta ni PSUPT Nilo Berdin, hepe kan Legazpi PNP na maogma sya huli ta dae nin nagreklamo dapit sa overcharging sa pamasahe sa tricycle durante kan Palarong Bicol 2017.
