Warang nakasalbar sa pagbagsak kan sarong eroplano sa Bangkok, Thailand.
Lunad kan nasabing eroplano an siyam na pasahero na kumpwesto nin duwang Thai pilots, limang Chinese asin duwang Thai na pasahero.
An Cessna Caravan C208B turboprop an hali sa international airport kan Bangkok asin pasiring kuta sa Trat province.
Makalihis sana sampulong minutor kan pag-take off kaini, nawara na nin contact an mga otoridad.
Kinumpirmar kan Soneva Kiri na sarong luxury resort sa Koh Kood island na empleyado ninda an duwa sa mga pasahero asin an mga Chinese nationals an guest kan resort.
Sa presente nagsasagibo na man nin imbestigasyon an mga otoridad dapit sa aksidente.
