LEGAZPI CITY- Padagos an pagtataong ayuda kan lokal na gobierno kan Pio Duran sa mga pamilyang naapektaran kan nakalihis na bagyong Carina asin epekto kan habagat.
Segun ki Pio Duran Municipal Disaster Risk Reduction and Office Head Noel Ordoña sa intrevista kan Bombo Radyo Legazpi na nasa siyam na mga harong an nadistroso kan coastal flooding na dara kan makusog na ukol kan kadagatan.
An iba suboot sa mga biktima kan nasabing kalamidad an paramientras munang nakikidagos sa saindang mga kaparientes.
Aminado man an opisyal na wara sindang evacuation center kaya saro ini sa mga angat tuyong nagkakaigwa nin kalamidad.
Dae man suboot magagamit an mga eskwelahan sa banwaan bilang evacuation center huli ta magbubukas na an kralasehan.
Katakod kaini, planong magsurat kan lokal na gobierno sa pamayuhan kan pigko kunstruir na hospital sa lugar ngani na maghagad permiso na paramientras na ipagamit sa mfa evacuees an pasilidad.
