Gadan an walong suldado kan Israel sa nangyaring pagsabog sa Rafah, City kan Gaza.
Segun kay Israeli Foreign Minister Israel Katz, naglunsar nin ground assault an mga suldado sa ciudad ngani na atakehon an pinagtutubudang huring kampo kan militanteng Hamas.
Alagad mantang nasa katahawan kan operasyon, bigla nangyari an pagsabog na tulos na nagresulta sa pagkagadan kan walong suldado.
Mahigot na kinondena ni Katz an insidente mantang pinasalamatan kaini an pagsasakripisyo kan mga suldado na nagadan mantang pig-ootob an saindang trabaho.
Huli sa insidente, pinaglalaoman ng mas lalong mababa an posibilidad na maotob pa an ceasefire na ipigbubusol kan United Nations.
Naenot ng sinabi ni Israel Prime Minister Netanyahu na dae sinda masunod na ceasefire asin ipapadagos an pag-atake hasta sa maubos an mga militanteng Hamas.
Sa ngunyan nag-aabot na sa 37,000 na mga Palestinians an nagagadan sa gera kan Hamas asin Israel kung sain kadaklan kaini an mga sibilyan na menor de edad asin kababaihan na nadadamay sa kariribokan.
