Pinagpapaliwanag kan Land Transportation Franchising and Regulatory Board (LTFRB) an walong bus operator huli sa pagsisingil nin sobra sa mga pamasahe.
Ginibo an lakdang kasunod kan kasuguan ni Presidente Ferdinand Marcos Jr. na dae na muna magpaotob nin paglangkaw sa pamasahe.
Segun ki LTFRB Chairman Vigor Mendoza na an mga bus operators na ini an nasa Parañaque Integrated Terminal Exchange (PITX).
Pigduon kani na kun dae ninda pigsusunod an direktiba kan presidente, mahahampang an mga ini sa kapadusahan.
Kaibanan sa mga padura an suspensyon hasta sa revocation kan saindang mga prangkisa.
Pighahalat pa ma kan ahensya an kasimbagan kan mga bus operators sa mga naresibe nindang reklamo.
