Pig-iimbestigaran kan Department of Energy (DOE) an maabot sa 70 gasolinahan huli sa suboot pananamantala sa epekto kan giyera sa Middle East sa paagi kan pag-implementar nin amay na paglangkaw kan presyo.
An nasabing bilang, segun ki Energy Secretary Sharon Garin, an partial pa sana, asin syertong madudugangan mantang padagos an paglibot kan DOE sa manlaen-laen na parte kan nasyon.
Nahelingan an mga ini kan biglaang paglangkaw kan presyo kan saindang mga produktong petrolyo antes pa man an nakatalaan na implementasyon kan price hike sa aga.
Pwedesir man ini na ipasara o dagos nang kanselaron an saindang mga permit nganing dae na sinda makaoperar, salig sa awtoridad kan DOE na repasuhon an saindang mga aksyon asin isara an saindang mga operasyon.
Paliwanag kan kalihim, kun igwa nin magkakanigong paliwanag an mga kagsadiri kan naunambitang mga kumpanya, posibleng tugotan giraray an mga ini na mag-operate, alagad kun dae, dagos na isasara an mga ini asin dae na matatawan nin permit sa maabot na panahon.
Segun ki Garin, pwedesir ipagsugo kan ahensya an pagkanselar kan mga permit asin pagsara tulos asin dagos na iimplementar ini sa masunod na aldaw, urog na kun may magabat na ebidensya kan saindang pagbalgar.
 will investigate the impact on 70 gas stations for allegedly exploiting the effects of the war in the Middle East by implementing price gouging.){kind=link}