LEGAZPI CITY — Nadiskubre kan mga parasira an pitong bloke nin pigtutubudang cocaine sa kadagatang sakop kan banwaan kan Bagamanoc, Catanduanes.
Nahiling an nasabing mga droga kan mga parasira na sinda Marcel Benosa, 33; Danilo Villasana, 65; asin Tirso Bandola, 47 na anas residente kan Barangay Bugao kan nasabing banwaan.
Sinasabing nagkakantidad nin P43.175 million an suspected cocaine na may timbang na 8.63 kilograms alagad padagos pang pigbeberipikar kan mga otoridad.
Mahihiling man an tatak na dollar sign sa mga nasabing bloke kan droga.
Segun sa mga parasira, nakua an sarong itom na fishnet na nagpapataw-pataw na laog an pigtutubudang droga.
Ituturn over man ini kan Bagamanoc PNP sa PDEA Regional Office 5 para sa magkakanigong disposisyon.
