LEGAZPI CITY-Irido an sarong 7-anyos na aking babae makalihis kagaton sa pandok kan sarong ayam na nakawala sa gakod sa Calamba, Laguna.
Basado sa impormasyon, mahihiling sa CCTV na nagkakarigos sa uran an aki sa Barangay San Cristobal mantang kan pauli na, bigla siyang sinugod asin kinaagat kan ayam.
Inabangan man kan sarong residente an ayam na nagpapundo kaini sa pagatake asin nagdalagan parayo.
Duguan sa payo asin sa pandok an aki, mantang pigsugod sa ospital.
Basado sa tiyaon kan biktima, nakawala suboot sa gakod an ayam kan saindang kataning na harong.
Nagsapo nin lugad sa payo asin sa may mata an aki.
Sinagot man an pagpapaospital kan may saidiri kan ayam.
