LEGAZPI CITY – Dakulang tabang sa mga residente asin partikular na sa mga turismo an inilunsar na One Town One Product (OTOP) Nooks sa provincia kan Masbate.
Sa intrevista kan Bombo Radyo Legazpi ki Depatment of Trade and Industry Masbate Provincial Director Butch Castro, duwang OTOP Nooks an binuksan na nakadesignar sa Ranchelle Hotel & Resort sa ciudad kan Masbate asin sa Altamar Boutique & Resort sa Ticao Island sa banwaan kan San Jacinto.
Segun ki Castro, magigin conveniente partikular na sa mga turista an OTO Hub huli ta dae na kinakaipuhan na magpasiring sa malain-lain na lugar ngani na magbakal nin mga produkto.
Kadaklan kaya ka mga paninda digdi an mga famosong pagkaon kan provincia.
Nasa 20 na Micro-, Small and Medium-sized Enterprises (MSMEs) an inimbitaran sa nasabing proyekto.
Ibinida man kan opisyal na abot-kaya an mga presyo kan nasabing mga produkto kaya dae na kinakaipuhan na magpasiring kan mga parabakal asin mga turista sa mismong opisyal na pwesto.
