LEGAZPI CITY—Karsel an bagsak kan sarong Municipal Most Wanted Person sa ginibong operasyon kan mga otoridad sa Barangay San Isidro, Aroroy, Masbate.
Binisto an suspek na si alyas “Arturo”, 67-anyos, may agom, sarong parasisira asin residente kan naunambitang barangay.
Naarestar ini sa linaw kan warrant of arrest na iniluwas ni Hon. Ronnie Gaviola Vallena, Presiding Judge, RTC Branch 48, Masbate City, para sa kasong qualified rape na warang rekomendadong piyansa.
Makalihis an pagkakaaarestar dinara an suspek sa Aroroy Municipal Police Station para sa magkakanigong dokumentasyon asin disposisyon.
