LEGAZPI CITY – Dae na nakadulag pa an anom na wanted persons sa Brgy. Danao, Bulan, Sorsogon makalihis na maarestar kan mga otoridad.
Nabisto an mga suspetsado na sinda Fernando Hallig, 42-anyos, Lyoner Arana, 48-anyos, Rolando Mirabona 44-anyos, William Hallig, 34-anyos, Emy Mirabona 33-anyos, asin Jeffrey Albao, 18-anyos.
Ikinasa kan mga personahes kan Bulan MPS an saindang operasyon sa bisa kan mandamiento de aresto na nakabinbin kontra sa mga suspetsado.
Kasong pagbalgar sa Sec. 93 kan RA 10654 o mas bisto bilang the Philippine Fisheries Code of 1998 an kakahampangon kan mga ini asin an saindang kaso an igwang rekomendadong pyansa na nagkakantidad nin P4,000 kada saro kabalyuhan kan saindang paramientras na libertad.
