Bako hadlang an edad nganing maguno an haloy nang pangaturugan maski pa ini an pagpapaturi.
Yan an pinatunayan kan 52-anyos na si “Tatay Soy” hale sa Barangay Sta. Cruz, Koronadal City, na sa wakas an nagpaturi sa isinagibong libreng medical mission ni dating Congressman Dr. Peter B. Miguel.
Imbes na mga joven, si “Tatay Soy” an nagin sentro kan atensyon makalihis siyang personal na turion ni Dr. Miguel.
Aminado siyang kikurab alagad determinado siyang magsairarom sa proseso.
Makalihis an procedure, tinawan pa siya ni Dr. Miguel nin pabuya bilang simbolo kan isog asin inspirasyon para sa iba.
Afuera sa libreng turi, pig-ofresir man sa medical mission an libreng check-up, eye check-up, bulong para sa mga residente kan barangay.
Segun ki Dr. Miguel, parte ini kan saiyang padagos na adbokasiya para sa mas marhay asin mas “Kanami” na South Cotabato — lugar kun sain may pagmakulog asin ngirit sa lambang serbisyo.
Para ki “Tatay Soy,” bako sana ining simpleng pagturi — kundi sarong bagong kapinunan na nagpapatunay na dai pa huri an gabos tanganing magin sarong “ganap na lalaki.”
