Limang katawo an nairido makalihis na buminagsak an sarong helicopter sa parking lot kan Huntington Beach, California, kan Sabado nin hapon (oras sa Amerika).
Segun sa mga opisyal kan ciudad, nangyari an insidente bandang alas-2 nin hapon sa pagultangan kan Twin Dolphins Drive asin Beach Boulevard.
Duwang sakay kan helicopter asin tulong tawo an nairido na tulos dinara sa hospital.
Wara pang report mapadapit sa saindang kamugtakan.
Basado man sa paenot na impormasyon, an helicopter an konektado sa “Cars and Copters” event na nakatalaang gibuhon kuta ngonian na semana.
Segun sa mga testigo sa lugar na nakuwaan pa nin video, garing nag-ikot suboot nin kakaiba an helicopter antes ini buminagsak sa daga asin pwedesir na naputol an ikog o tail rotor kan behikulo.
Wara mang suminabog, alagad naireport na may tuminagas na gasolina hale sa helicopter.
Padagos man an imbestigasyon kan Federal Aviation Administration (FAA) asin kan National Transportation Safety Board (NTSB) sa kawsa kan aksidente.
.){kind=link}