LEGAZPI CITY—Inatendiran kan mga benepisyaryo kan 4Ps an kinundusir na Disaster Preparedness Seminar sa Barangay Dap-dap, Legazpi City nganin mapakusog an kahandaan kontra sa kalamidad.
Segun ki Barangay Kapitan Glenn Barcelon, sa intrevista kan Bombo Radyo Legazpi, katabang ninda sa ginibong akitibidad an City Disaster Risk Reduction Management Office kun sain diniskotir an mga lakdang o preparasyon tuyong may kalamidad siring kan evacaution protocol orog na an saindang lugar an harani sa peligro sa bagyo asin pagbabaha.
Maabot man sa 50 representatives kan kada 4Ps member an nagpartisipar sa nasabing seminar.
Dugang kan opisyal na makundusir man sinda nin tsunami drill sa enot na quarter kan taong 2026.
Mientrastanto, nagpapasalamat man si Barcelon sa mga nag-atendir huli sa nagin produktbo asin nagin magayon an resulta an nasabing aktibidad.
Paki-ulay niya na kun ano man an naukodan sa seminar an dapat na iheras sa saindang pamilya asin kataid na mga harong mapadapit sa disaster preparedness.
