Gadan an 36 na katawo sa magkakasunod na missile attacks kan Russia sa Ukraine.
Segun kay Ukrainian President Volodymyr Zelenskyy, magkakasabay na inatake kan Russia an Kyiv, Dnipro, Kryvyi Rih, Slovyansk asin Kramatorsk.
Nasa 40 missiles an pinalayog kan Russia kung sain nagkapira kaini an nagtama sa mga matatawong lugar sa Ukraine.
Kaiba na diyan an Okhmatdyt Children’s hospital kung sain sarong hospital staff asin sarong pasyente an nagadan mantang pitong joven an nalugadan.
Mahigot na pigkokondena si Zelenskyy an nasabing pag-atake na saro suboot na war crime asin pagbayolar sa international law huli ta malinaw na pigtatarget an mga sibilyan.
