Nagpaparahay na ngunyan an nasa 31 indibidwal na nairido sa nangyaring banggaan nin duwang pampasaherong bus sa sa Guadalupe EDSA bus carousel.
Segun sa imbestigasyon kan Metropolitan Manila Development Authority, Makati City Police asin Philippine Red Cross, nangyari an aksidente kasubanggi harani sa boundery kan Boni, Mandaluyong City asin Guadalupe sa Makati.
Segun sa saro sa mga konduktor kan bus na nagpundo an saro pang bus ngani na magtaong dalan sa sarong motorsiklong maagi sa center island sa irarom kan MRT-3 kan suminalpok sa likod kaini an ika-duwang bus.
Napag-araman na dae guminana an break kan saro pang bus rason ngani na tumama ini sa saiyang kasunudan na behikulo.
Walong pasahero an nairido sa enot na bus, mantang 23 man sa ika-duwang bus an nagsapar nin injuries.
Sa presente padagos pa man na pig-iimbestigaran an insidente.
