LEGAZPI CITY- Naipanao na kan Gobyerno Lokal kan Legazpi ang mga transport vehicle sa mga nasasakupan kaining mga barangay.
Segun kay Acting City Mayor Bobby Cristobal sa intrevista kan Bombo Radyo Legazpi na hale sa savings kan saindang lokal na gobyerno an tig alokar nganing makabakal nin 31 units nin transport vehicle.
Dugang pa ni Cristobal na naggibo asin nagbugtak nin criteria ini nganing masusog kun sisay an matatawan kan mga ini nin huli ta bako gabos na barangay igwang kapasidad na magbakal kan saindang transport vehicle.
Sinabi pa kan opisyal na gamiton sana an mga ini sa mga importanteng lakawon dangan man magamit sa panahon nin emerhensya asin kalamidad.
Pangapudan kaini sa mga benipisyaryo na atamanon nin maray an mga behikulo asin gamiton sa tama nin huli ta good quality man suboot an mga ini.
Syinerto man ni Cristobal na 31 pa sanang barangay an saindang natatawan alagad didiit diiton suboot ninda ini antes na matawan gabos an mga barangay sa syudad nin Legazpi.
