LEGAZPI CITY – Tulong probinsya sa rehiyong Bicol an kasabay sa priority list kan anom na taong programa kan Department of Agriculture na patubigan an dugang na sarong milyong ektarya nin palayan para sa hybrid crop technology.
Segun ki DA Bicol Director Elena Delos Santos, an mga probinsya kan Catanduanes, Sorsogon asin Masbate an kasabay sa matatawan kan benepisyo hale sa national office.
Mapuon an nasabing programa ngunyan na taon kun saen ini suboot an kasimbagan sa obheto ni President Rodrigo Duterte na mautob an “target production yield of six metric tons per hectare to attain rice sufficiency” antes matapos an saiyang termino.
Segun ki Delos Santos, sa paagi kan pagsagibo nin “climate smart” practices sa agricultural production, makakaya kan mga paraoma an pagriribay nin klima asin an maraot na kondisyon kan panahon kasabay na an El Niňo phenomenon.
Obheto kan proyekto na mautob an “inclusive, value-chain oriented asin climate-resilient agriculture asin fisheries sector sa paagi kan strategic investments sa priority commodity value chains.
