LEGAZPI CITY-Napili kan International Criminal Court prosecutors an tulong medical experts ngani hilingon an salud ni dating Presidente Rodrigo Duterte.
An mga ini an eksperto hale sa behavioral neurology, neuropsychology asin forensic psychiatry.
Basado sa siyam na pahina kan ipinaluwas kan Office of the Prosecutor na pirmado ni Deputy Prosecutor Mame Mandiaye Niang, suportado suboot ninda an pagtatalaga kan multidisciplinary panel of experts ngani hilingon an dating Presidente kun kaya kaining maghampang sa pagdangog.
Nagpahayag man nin kahandaan sa saindang serbisyo an mga eksperto poon ngonian na bulan.
Nakalaag man sa dokumento an pagkontra kan Prosecution sa pahayag kan Depensa na an pagtatalaga kan mga eksperto an posibleng magkaigwa nin isyu kan pagigin “bias”.
Enot na man na pigtugutan an medical officer kan International Criminal Court (ICC) na hilingon an salud kan dating Presidente.
Magigirumduman na kan Marso kan arestuhon an si Duterte huli sa kampanya kaini sa iligal na droga kan ini presidente pa kan nacion.
