LEGAZPI CITY—Arestado an tulong indibidwal sa kinundusir na buy-bust operation kan mga otoridad sa Barangay Pigcale, Legazpi City, Albay.
Segun ki Philippine Drug Enforcement Agency Albay Officer Noe Briguel, sa intrevista kan Bombo Radyo Legazpi, naarestar an tulong suspek sa pinagsarong operatiba kan PDEA Albay, Legazpi City Police Station Intelligence Section, asin PNP Regional Maritime Unit.
Kaiba sa mga naarestar an mag-live in partner na may edad na 32-anyos asin 35-anyos, asin saro pang 29-anyos na persona na naaktuhan na naggagamit nin ilegal na droga.
Dugang kan opisyal na afuera sa pagkundusir nin drug buy-bust operation, nabuwag man ninda an drug den sa naunambitang lugar.
Nakumpiskar sa mga suspek an nagkapirang pakete nin pigtutubudang shabu na may kantidad na P81,600, drug paraphernalia, magin an ginamit na buy-bust money.
Mientrastanto, pangapudan man kan opisyal sa publiko na en kaso may aram sinda na imbuelto sa ipinagbabawal na droga na pwedesir ining i-report sa anti-drug abuse council kan saindang barangay, sa mga kapulisan, o kaya sa mismong opisina kan PDEA.
