LEGAZPI CITY- Dae na naisalbar pa an tulong mga kaakian makalihis ining malamos sa sarong salog sa banwaan kan Bulan, Sorsogon.
Segun ki Police Lt. Cololel Virgil Bibat, hepe kan Bulan Municipal Police sa intrevista kan Bombo Radyo Legazpi na an mga biktima na kumpwesto nin duwang 8-anyos asin sarong 9-anyos na mga jovenes.
Napag-araman na an saro pa sa mga biktima an dae tinugutan kan saiyang magurang alagad nagpuslit hasta sa mangyari an insidente.
Paliwanag kan hepe na pigkakarigusan talaga kan mga residente an nasabing salog alagad dae pigtutugutan an mga aki na warang kaibanan na magurang huli ta igwa ining hirarom na parte na lagpas pa sa tawo an langkaw kaya peligroso para sa mga kaakian.
An duwa sa mga biktima an nadukayan sa irarom kan tubig mantang an saro an hudyan na kan madiskubre.
Anas man na naidalagan sa ospital an mga biktima alagad dae na naisalbar pa.
Katakod kan insidente, sinabi ni Bibat na nakipag-olay na siya sa alkalde kan banwaan asin ipigsuhestyon an paramientras na pagbabawal sa pagkakarigos sa salog.
Inabusuhan man an mga opisyal kan barangay na maglaag nin advisory ngani na maaraman kan mga residente.
