LEGAZPI CITY-Napagaraman kan provincial goverment kan Catanduanes na an 3 rural development highs school sa saindang provincia an kairiba sa mga proyekto kan mga Discaya.
Segun kay Catanduanes Governor Patrick Azanza, sa intrevista kan Bombo Radyo Legazpi, na napagaraman ninda na an 3 school building sa Viga, Bagamanoc asin sa Gigmoto na ngonian abandonado na an kairiba sa mga proyekto kan Alpha & Omega Gen. Contractor & Development Corp, na pagsadiri kan mga Discaya.
Nakakamundo suboot an sitwasyon kan mga edipisyo liwat sa nasa 3 hasta 4 an storey ini, an nalapa na an mga bakal, warang mga walling, asin piglulumot na sa presente.
Pinoonan suboot ini kan 2022 alagad dai natapos na hasta ngonian nagresulta sa kawaran nin mga additional classrooms sa mga lugar.
Binisita man suboot ini ni DepEd Sec. Sonny Angara asin sinabing tututukan niya ini asin tatawanan nin solusyon.
Sinabi pa ni Azanza na ipinaagi an nasabing proyekto sa Department of Public Works and Highways kun sain sinabi kan mga ini na dai ninda aram an proyekto.
Nangangapudan man an gobernador sa presenteng kalihim kan DPWH na isabay sa saiyang mga tutukan an nasabing proyekto liwat sa bako man kaiba ini sa mga flood control projects.
Dugang pa niya na nakigkig siya huli sa pagkalkal kan mga kontrata na haros nasa P35-36 Bilyon an mga pondong naibugtak sa nasabing proyekto.
