Tinawan linaw ngunyan kan 2PM member na si Taecyon an mga naglalakop na ladawan kan suboot “marriage proposal” kaini.
Sa paagi kan agency kan K-group na 51K, sinabi kaini na an mga ladawan an bako parte kan saindang marriage proposal.
Segun sa pahayag kan 51K statement na an mga ladawan an kuwa kan taong 2024, durante kan selebrasyon kan kumple anyo kan nobya kaini.
Inasegurar man sa nasabing pahayag na nagtetenir na magayon an relasyon ni Taecyon sa saiyang nobya.
Dugang pa kan nasabing agency na ipapaabot na sana sa mga fans kun may plano an singer na magpakasal.
