Naglangkaw na sa 250 pet owners an bilang kan mga nagsangat nin reklamo laban sa sarong Pet Crematorium sa Bacoor City manungod sa pig-aalegar na iregularidad sa pagkapot kan mga labi kan mga ataman na hayop.
Segun ki Bacoor City Police Station chief Alexie Desamito, basado sa impormasyon na pigheras ni Bacoor Mayor Strike Revilla, pormal nang nagdulok sa pulisya an 250 complainants para magreklamo.
Sa inisyal na parte kan imbestigasyon, nasa 20 laagan nin abo hali sa mga alagang hayop an isinumiter kan mga complainant sa mga awtoridad para sa pagsusuri.
Sa ngonian, isinasairarom na sa forensic examination kan Philippine National Police (PNP) Forensic Group an mga nasabing abo tanganing makatabang sa pagtukoy kan tunay na labi kan mga hayop.
Mantang saro pang operasyon an isinagibo sa San Jose del Monte City, Bulacan kun sain narekober an 29 bangkay kan ayam asin ikos, na siyam pa sana digdi an positibong nabisto kan saindang mga pet owner mantang padagos an beripikasyon sa mga tada.
Magigirumdoman na ipinasara ni Mayor Revilla an nasabing pet crematorium makalihis maugnay ini sa reklamo kan mga pet owner na nagbayad para sa cremation service alagad dae man suboot nasiguro kun naisagibo nin tama an serbisyo.
Padagos an imbestigasyon kan mga awtoridad tanganing maaraman an posibleng pananagutan kan mga imbuelto sa kontrobersiyang ini.
