LEGAZPI CITY-Pigkakarkulong nasa 210,000 na katawo an nakisumaro sa ikaduwang aldaw kan “Peaceful Rally for Transparency” kan Iglesia ni Cristo (INC) sa Quirino Grandstand, susog sa inisyal na datos kan Manila Disaster Risk Reduction and Management Office (DRRMO).
An pagtitipon an parte kan tulong aldaw na programa kan INC na obhetong mangapudan nin transparency asin accountability sa gobierno.
Sa enot na aldaw kan rally, uminabot sa labi 630,000 katawo an crowd estimate, na nagpahiling suboot nin suporta hale sa mga miyembro asin kaalyado kan Iglesia ni Cristo.
Kadaklan man sa mga nag-atendir an nagpalipas na nin banggi sa Luneta para sa bilog na programa.
Pigsagibo an rally sa tahaw kan kontrobersiya sa bilyon-bilyong piso na flood control scandal, na nagin sentro kan pangapudan para sa mas matanos na liderato.
Apwera sa mga miyembro kan INC, nagpartisipar man an nagkakapirang civic asin religious groups bilang pakikisumaro sa pangapudan para sa mas marhay na demokrasya.
An rally piglalaoman na matatapos sa Nobyembre 18, 2025, kun sain pigaantisiparan man an mas dakulang numero kan mga protestante para sa huring aldaw kan pagtiripon.
