Gadan an 20 katawo mantang 46 na iba pa an lugadan sa magkasuway na pag-atake nin mga terorista sa Dagestan, Russia.
Enot na inatake kan mga terorista an sarong templo sa Derbent kung sain nagpauran ini nin mga bala.
Kasabay kaiyan an pag-atake man nin mga armadong lalaki sa duwang templo asin duwang Russian Orthodox churches sa Makhachkala.
Segun kay Tatyana Belyaeva, an minister of health kan Republic of Dagestan, nagadan sa insidente an 15 mga pulis, sarong padi asin an iba an mga sibilyan na.
Tulos man na naglunsar nin operasyon an mga pulis na nauli sa engkwentro asin nagresulta sa pagkagadan kan anom na mga terorista.
Nagpapadagos pa sa ngunyan an manhunt operation para sa iba pang mga teritorista na imbwelto sa pag-atake.
Nagtutubod an gobyerno kan Russia na planado asin konektado an duwang pag-atake na posibleng kagibohan kan mga terorista na mawot na makontrol an Dagestan.
