Nasa 20 mga badil na nakarehistro ni Senator Ronald “Bato” Dela Rosa an boluntaryong ipigsurendir sa Philippine National Police (PNP) sa Davao City makalihis bawion an saiyang lisensya asin rehistro sa badil.
An nasabing mga armas an presenteng nasa kustodiya kan Regional Civil Security Unit 11 para sa safekeeping.
Segun sa PNP na an pagbawi sa lisensya an susog sa Republic Act No. 10591 o Comprehensive Firearms and Ammunition Regulation Act, na nagbabawal sa siisay man na may kasong kriminal na may padusang labi sa duwang taon na magsadiri nin badil.
Basado sa datos kan PNP-Firearms and Explosives Office (FEO), si Dela Rosa an igwang Type 5 License to Own and Possess Firearms (LTOPF) na magtataong dalan sa pagsadiri nin labi sa 15 badil.
Sa kabilugan, igwang 117 badil an nakarehistro sa saiyang pangaran asin gabos ini an ipigpapasurendir.
An revocation order an ipinaluwas kan Mayo 26, 2026, kasunod kan direktiba kan Department of Justice na ipaotob an International Criminal Court (ICC) arrest warrant kontra ki Dela Rosa katakod kan mga kasong crimes against humanity na nag-ugat sa madugong kampanya kontra droga kan administrasyong Duterte.
