LEGAZPI CITY — Itinurn over na sa Municipal Agriculture Office kan banwaan kan Pilar sa Sorsogon an duwang olive ridley turtle na nakua kan mga parasira.
Base sa report, napuruputan kan net kan makua an mga ini kan mga nasabing parasira.
Pigkakarkulong maabot sa 40-50 an kilo kan kada saro sa mga pawikan.
Nakatalaan man na buhian ngonian na aldaw an mga nasabing hayop.
Ini na an pansiyam na pawikan na salbadong nakua asin naiturn over sa mga otoridad ngonian na taon.
Ipigkokonsidera na sa ngonian an siring na klase nin pawikan bilang endangered species.
