LEGAZPI CITY — Gadan na kan madiskubre an duwang parasira sa sarong abandonadong minahan sa banwaan kan Rapu-Rapu, Albay mantang duwang iba pa an nawawara.
Sa intrevista kan Bombo Radyo Legazpi ki PCapt. Dante Bonafe, hepe kan Rapu-Rapu Municipal Police Station, nagpasiring an mga biktima sa abandonadong open pit sa Barangay Batan tangarig kuwaon an submersible pump kan mangyari an insidente.
Segun ki Bonafe, minahan nin carbon an lugar na may rarom na 20 feet.
Narekober man kan mga otoridad an mga hawak kan biktimang sinda alyas “Kalbo” kan Barangay Villahermosa asin alyas “Uwak” kan Barangay San Roque, Tabaco City.
Mantang nawawara pa an mga parasirang sinda Orly Bisco, 40-anyos asin Timoteo Balunzo, 30-anyos kan Barangay Calanaga.
Sa ngonian, nagpapadagos pa an rescue operation kan Rapu-Rapu PNP katabang an Philippine Coast Guard tangarig mahanap an duwa pang parasira.
