LEGAZPI CITY-Nakipag-koordinar na sa Philippine National Police-Criminal Investigation and Detection Group (PNP-CIDG) para sa saindang pagsuko an duwang opisyal kan Sunwest Construction and Development Corp., na kadsadiri kan dating kongresista na si Elizaldy “Zaldy” Co.
Kinumpirma ni CIDG Director Robert Alexander Morico II sa sarong pulong-balitaan ngonian na aldaw na nakipag-koordinar na suboot an duwang opisyal sa saindang unit.
Dagdag pa niya na nagpahiling nin pagkahandal asin takot an mga dating tauhan ni Co.
Sinabi niya pa na gari napabayaan an mga ini asin warang personal na abogado kaya naisipan na sana nindang magsuko sa mga awtoridad.
Dugang pa niya, nakipag-koordinar sa CIDG an mga kaparyentes kan duwang opisyal kan Sunwest sa paagi kan back-channel communication.
Marurumduman na kan Nobyembre 28, nagsagibo nin operasyon an PNP-CIDG kun sain sinalakay kan mga tauhan an sarong hotel sa Pasay ngani isangat an arrest warrant sa tulong opisyal kan Sunwest na pigtutubudang nagtatago an mga ini sa lugar, alagad bigo an operasyon matapos dai mahiling an mga pigsasabing pugante na sinda Consuelo Dayto Adon, Anthony Li Ngo, asin Noel Yap Cao.
An kaso, isinangat kan Sandiganbayan kan Nobyembre 21 laban kay Zaldy Co asin 15 iba pa huli sa alegasyonng pagkaka-imbuelto kan mga ini sa ghost flood control project sa Oriental Mindoro.
