LEGAZPI CITY – Ikinondusir sa ciudad kan Legazpi an 1st Fun & Fur Run 2025 kun sain kabale kan mga partisipante na magdalagan an saindang mga atamang hayop.
Segun sa Head coordinator kan nasabing aktibidad na si Becca Ferrer sa intrevista kan Bombo Radyo Legazpi na an mga nalikom na kwarta gikan sa aktibidad an mapapaduman sa mga cancer patient.
Inatendiran man suboot an saindang aktibidad nin maabot sa poco mas o menos 100 na fur parents kaiba an saindang mga furbaby sa ibong kan mauran na panahon.
Piglinaw niya man na maski itinao sa mga cancer patient an kwartang nalikom sa aktibidad an ipigtao man na mga premyo sa mga runners na na kompwesto nin cash prize.
Pigtaram pa ni Ferrer na afuera sa obhetong makatabang an mawot man nindang mag-bonding an mga runners kabale an saindang mga ataman.
Binalehan man suboot an saindang aktibidad nin mga runners na gikan sa manlain-laing parte kan rehiyon asin sa enterong nacion.
Pangapodan niya man sa publiko na magin responsable sa pag-aataman kan saindang mga hayop.
