LEGAZPI CITY – Isinuko kan sarong 20-anyos na lalaki an saiyang sadiri sa Tabaco City Police Station makalihis niyang aminong ginadan asin inilubong an 18-anyos na ilusyon kaining babae sa Brgy. Pawa, Tabaco City.
Susog sa impormasyong naguno kan Bombo Radyo Legazpi, binisto an suspetsado na sarong soltero asin residente kan Purok 4, Brgy. Sto. Cristo, mantang an biktima man iyo an napag-araman na residente kan Purok 2 kan kaparehong barangay.
Huminampang an suspetsado sa mga awtoridad kaiba an saiyang mga magurang asin inilahad an saiyang ginibo na krimen.
Tulos mang nagpasiring an mga imbestigador asin pulis sa lugar na tinuro kan suspek, kun saen nadiskubre an bangkay kan daraga na nakalubong sa daga.
Naghagad na nin tabang an kapulisan sa SOCO nganing maisagibo an masinsinang pagproseso kan krimen asin mas mapararom pa an imbestigasyon.
