Dise-syete (17) katawo an inaresto asin sasangatan nin kaso makalihis suboot manggapo asin magsulo nin trailer truck sa sarong protesta kontra korapsyon sa Mendiola, Manila.
Yaon ngonian sa kustodiya kan Manila Police District (MPD) an mga nadakop.
Nanindugan an Philippine National Police na irespeto an deretsos kan mga namamanwaan na magpahayag kan saindang sadiri, alagad nangapudan nin katoninongan asin paglikay sa kadahasan.
Idinagdag kan pulis na sinda magtetenir na committed sa maximum tolerance, alagad matao nin aksyon laban sa siisay man na makaraot o magraot nin ibang property.
Mientrastanto, pigsugo man ni Manila Mayor Francisco “Isko Moreno” Domagoso an Manila Police District (MPD) na istriktong ipautob an curfew para sa mga menor de edad makalihis an madahas na protesta.
Katuyohan kan ley na mamantenir an katoninongan asin maseguro an kaligtasan kan mga jovenes, orog na kun igwa nin darakulang pagtiripon o protesta.
An protesta inatenderan kan mga ordinaryong namamanwaan, asin nagkapirang personalidad sa showbiz bilang pangapodan na panimbagon an mga kurakot na opisyales kan gobyerno, orog na sa koneksyon kan kurapsyon sa mga proyekto sa pagkontrol kan baha.
Ginibo an mga rally sa Rizal Park (Luneta), Mendiola, asin EDSA Shrine, kasabay kan anibersaryo kan deklarasyon kan Batas Militar kan panahon ni dating Presidente Ferdinand E. Marcos Sr.
 people were arrested and will be charged after allegedly throwing stones and burning a trailer truck during an anti-corruption protest in Mendiola, Manila yesterday.){kind=link}