17-anyos na babae, pigreport na kinidnap, alagad nadiskubre na nakipag-sex palan sa saiyang nobyo sa kasagsagan nin bagyo

Sarong 17-anyos na daragita an pwedesir mahampang sa kaso makalihis niyang sabihon na siya kinidnap sa paagi nin sarong “voice message” asin naghagad nin tabang sa saiyang pamilya asin sarong grupo nin chat sa eskwelahan, alagad nadiskubre na siya nagdiretso sa harong kan saiyang nobyo durante kan bagyo.

Huli kaini, nahadit an saiyang mga kaklase, amigo, parientes, magurang asin an mga awtoridad.

Napag-araman na nag-trend an insidente kan maglakop sa social media an saiyang ginibo.

Sinabi kan Davao City Police na pinag-iisipan na nindang magsangat nin kaso kontra sa daragita huli sa pag-utik.

Nahiling sa CCTV footage an menor de edad na nakasulot nin school uniform asin may bitbit na backpack bago ini ibinareta kan saiyang pamilya na nawawara ini makalihis na dai ini nakauli.

Napag-araman na nagpadara nin voice message an daragita sa sarong amigo na nagsasabi na ini an pigkidnap asin nangangaipo nin tabang.

Durante kan imbestigasyon sa pagkidnap, narealisar kan mga imbestigador na dai magkapareho an mga istorya kan daragita.

Sagkod na nadiskubre na nakipag-sex pa sana an daragita sa saiyang nobyo sa saiyang harong sa Barangay Maa, kun saen nakua an saiyang school uniform asin backpack.

Kinumpirmar man kan ina kan lalaki an nangyari asin pig-engganyar suboot an daragita na mag-uli kan maaraman kaini an sitwasyon.

Alagad imbes na magdiretso sa harong, nagpasiring an daragita sa Barangay Bato asin nakiolay sa saiyang mga magurang na duman na siya sundoon.

Makikoordinar an kapulisan sa City Social Welfare and Development Office (CSWD) para makaolay an daragita asin an saiyang mga magurang.

Pig-iisipan kan mga otoridad na magsangat nin alarm and scandal in relation to RA 10175 or the Anti-cybercrime Act huli sa insidente.

Kasabay kaini, nagpagirumdom an Davao City Police sa publiko na dai magpakalat nin imbentong impormasyon sa social media.